من لمن كنت حامل بولدي كنت مخططة أني أصوره جم صورة و بملابس و وضعيات معينة على طول السنة الأولى من عمره و بعدين أطبعهم و أسويهم كتاب / ألبوم أحتفظ فيه. لمن صار سنة بصحة وعافية يمعت كل الصور الي صورتهم و قعدت أدور على مكان / ويب سايت يطبعلي اياهم. بغيت الكتاب يكون كبير و بجودة زينة و هم ما يكون مكلف وايد . دورت بالانترنت وايد و آخر شي لقيت هالموقع www.mixbook.com و شفت أنه جودتهم و الإختيارات الي عندهم زينة و هم يوصلون الكويت.
رحت و سويتلي أكاونت و حملت الصور و نقيت الثيم و بديت أرتب الصور و احط الكلام و جذي. الحلو بويبسايتهم أنه يخلون الواحد يشوف و يتصفح الكتاب جنه جدامج عشان تعرفين بالضبط أنتي شقاعد تسوين و هم تقدرين تحفظين الكتاب الي سويتيه بالموقع و ترجعين تعدلين فيه أو حتى اذا بتطلبينه مره ثانية. ويب سايتهم وايد مرتب و بسيط و عملي.
الحين ييت بطلبه ما لقيت عندهم إلا اختيارين البريد العادي و المستعجل و تصورت أنه اثنينهم يعتمدون على بريد الكويت الحكومي فخذيت العادي ( بعدين دريت أنه المستعجل ياخذونه شركة ups بس يوصل الكويت و اهمه يتكفلون بتوصيله البيت ) . بس انا طبعا وكتها ما دريت و خذيت العادي الي على بريد الكويت الحكومي. طبعا و كما هو متوقع مر الشهر و الشهرين و الثلاث و الكتاب ما وصل.
بس لأني وايد كنت متشوقة أنه أشوفه قلت خلاص أطلبه مره ثانية على عنوان الصندوق البريدي مال الوالد يمكن يكون أضمن و يوصل. و فعلا رحت الويب سايت و يايه بطلبه مره ثانية ولا يقولي أنه ما يوصلون حق عنوان صندوق بريدي. اهني اتحبطت و رحت كلمت خدمة العملاء الي بالويبسايت عن طريق الشات. الي كلمني ما قصر شرحتله مشكلتي و تأكد أني فعلا طالبة الكتاب قبل ٣ اشهر و للحين مو واصلي و قالي عن خدمة البريد المستعجل أنه عن طريق الups و قتله أني لو كنت أدري جان خذيته و دفعت شوي أكثر.
المهم شنو سوو؟ راحو و طبعولي كتاب يديد و طرشوه عن طريق البريد المستعجل و كله على حسابهم و بخلال ٣ أسابيع وصلني !! أنا منقيه أحسن نوعية ورق و أكبر حجم عندهم و تقريبا مع التوصيل يصير ٦٠ دينار ! تحسرت على حالنا بالكويت إلي لمن بتردين شي يشرشحونج و يطلبون منج مليون توقيع و مليون رقم و هذيلي طرشولي كتاب ببلاش بس على كلامي أنه كتابي الأولي ما وصل و الغلطة مو غلطتهم بعد!! الصراحة ذووق و تعامل و أخلااق راقية. يريت عندنا مكان واحد بالكويت نفس جذي.
الحين راح احطلكم جم صورة من الكتاب و فيديو قصير عشان تشوفونه. أنصح فيه جدا جدا حق أي وحدة حابة تسوي ألبوم حق عيالها أو بس بتطبع صور أو أي شي ثاني. و إذا تسجلون بخدمتهم البريدية هم دايما راح يطرشولكم كوبونات و عروض بالإيميل تقدرون تستخدمونها. الأسعار معقولة جدا و الجودة عجيبة.
ملاحظة : ترا مو دافعيلي و لا بحصل أي فلس من هالبوست بس عجبتني خدمتهم و قلت أقولكم عنها.
رحت و سويتلي أكاونت و حملت الصور و نقيت الثيم و بديت أرتب الصور و احط الكلام و جذي. الحلو بويبسايتهم أنه يخلون الواحد يشوف و يتصفح الكتاب جنه جدامج عشان تعرفين بالضبط أنتي شقاعد تسوين و هم تقدرين تحفظين الكتاب الي سويتيه بالموقع و ترجعين تعدلين فيه أو حتى اذا بتطلبينه مره ثانية. ويب سايتهم وايد مرتب و بسيط و عملي.
الحين ييت بطلبه ما لقيت عندهم إلا اختيارين البريد العادي و المستعجل و تصورت أنه اثنينهم يعتمدون على بريد الكويت الحكومي فخذيت العادي ( بعدين دريت أنه المستعجل ياخذونه شركة ups بس يوصل الكويت و اهمه يتكفلون بتوصيله البيت ) . بس انا طبعا وكتها ما دريت و خذيت العادي الي على بريد الكويت الحكومي. طبعا و كما هو متوقع مر الشهر و الشهرين و الثلاث و الكتاب ما وصل.
بس لأني وايد كنت متشوقة أنه أشوفه قلت خلاص أطلبه مره ثانية على عنوان الصندوق البريدي مال الوالد يمكن يكون أضمن و يوصل. و فعلا رحت الويب سايت و يايه بطلبه مره ثانية ولا يقولي أنه ما يوصلون حق عنوان صندوق بريدي. اهني اتحبطت و رحت كلمت خدمة العملاء الي بالويبسايت عن طريق الشات. الي كلمني ما قصر شرحتله مشكلتي و تأكد أني فعلا طالبة الكتاب قبل ٣ اشهر و للحين مو واصلي و قالي عن خدمة البريد المستعجل أنه عن طريق الups و قتله أني لو كنت أدري جان خذيته و دفعت شوي أكثر.
المهم شنو سوو؟ راحو و طبعولي كتاب يديد و طرشوه عن طريق البريد المستعجل و كله على حسابهم و بخلال ٣ أسابيع وصلني !! أنا منقيه أحسن نوعية ورق و أكبر حجم عندهم و تقريبا مع التوصيل يصير ٦٠ دينار ! تحسرت على حالنا بالكويت إلي لمن بتردين شي يشرشحونج و يطلبون منج مليون توقيع و مليون رقم و هذيلي طرشولي كتاب ببلاش بس على كلامي أنه كتابي الأولي ما وصل و الغلطة مو غلطتهم بعد!! الصراحة ذووق و تعامل و أخلااق راقية. يريت عندنا مكان واحد بالكويت نفس جذي.
الحين راح احطلكم جم صورة من الكتاب و فيديو قصير عشان تشوفونه. أنصح فيه جدا جدا حق أي وحدة حابة تسوي ألبوم حق عيالها أو بس بتطبع صور أو أي شي ثاني. و إذا تسجلون بخدمتهم البريدية هم دايما راح يطرشولكم كوبونات و عروض بالإيميل تقدرون تستخدمونها. الأسعار معقولة جدا و الجودة عجيبة.
ملاحظة : ترا مو دافعيلي و لا بحصل أي فلس من هالبوست بس عجبتني خدمتهم و قلت أقولكم عنها.
No comments:
Post a Comment