جربت هالوصفة قبل جم اسبوع من موقع اجنبي و وايد طلعت لذيذه و طريقتها وايد سهلة. بس طبعا يبيلكم مقلاة الكاست آيرون (cast iron skillet) الي تدش الفرن. انا مالتي خذيتها من ايكيا ب ٩ دنانير وايد ارخص من باجي الماركات و لحد الآن زينة وياي.
المقادير:
دياية كاملة مقطعة ١٠ قطع
٣ قفاش زبدة ( ٣ قطع صغيرة)
ملح و فلفل
٣ فصوص ثوم مهروس
علبة مشروم
كوب ماي دياي ( او كوب ماي + ملعقة خلاصة الخضار ارض الطبيعة)
١/٢ م شاي ريحان ناشف
١/٢ م شاي اوريجانو
١/٢ م شاي زعتر (thyme)
١/٤ كوب كريمة سائلة
١/٤ كوب جبن بارمزان
١ م كبيرة خردل
الطريقة:
- سخنو الفرن على حراة ٢٠٠ سيلزي.
- بهرو قطع الدياي بملح و فلفل اسود فقط.
- حطو المقلاة على الجولة على حرارة متوسطة . ذوبو قفشتين زبدة و بعدين حمرو قطع الدياي من الصوبين عدل. تقريبا دقيقتين الى ٣ دقايق على كل جانب.
- شيلو قطع الدياي من المقلى و ضيفو باقي الزبدة و المشروم و الثوم المهروس. حمسو عدل لمن المشروم يطلع كل مايه و ينشف عدل و يتحمر. لا تستعيلون لانه اذا المشروم ما تحمر عدل راح يصير مطاطي بعدين .
- ضيفو ماي الدياي و باجي البهارات ( الريحان و الزعتر و الاوريجانو).
- ردو قطع الدياي بالمقلى و دخلوها الفرن عشان الدياي يكمل السوا. تقريبا ٣٠-٤٠ دقيقة.
- طلعو المقلاة من الفرن ( ديرو بالكم راح تكون حارة مو تمسكون اليدة من غير بيز). شيلو الدياي مرة ثانية.
- ضيفو على خلطة المشروم الكريمة و جبنه البارمزان و الخردل. ( انا سويت الوصفة مرتين من غير خردل لانه ما كان عندي ، حطيت بداله عصير نص ليمونه فانتو كيفكم شنو بتسوون). ردو قطع الدياي بالصوص و قدموه على طول. قدموه مع عيش اسمر او عيش امريكي بيطلع عجييب. و بالعافية.
* ملاحظة: ديرو بالكم من كمية الملح بالوصفة هذي لانه البارمزان يعطي ملوحة و خلاصة الخضار هم فيها ملح فلا تكثرون ملح بالدياي و اذا ماي الدياي مالكم اوردي فيه ملح فلا تحطون ملح بالمره. انا للأسف تعلمت هالدرس من تجربة مالحة مرتين :(
الوصفة الأصلية اهني . Origninal recipe here.
دياية كاملة مقطعة ١٠ قطع
٣ قفاش زبدة ( ٣ قطع صغيرة)
ملح و فلفل
٣ فصوص ثوم مهروس
علبة مشروم
كوب ماي دياي ( او كوب ماي + ملعقة خلاصة الخضار ارض الطبيعة)
١/٢ م شاي ريحان ناشف
١/٢ م شاي اوريجانو
١/٢ م شاي زعتر (thyme)
١/٤ كوب كريمة سائلة
١/٤ كوب جبن بارمزان
١ م كبيرة خردل
الطريقة:
- سخنو الفرن على حراة ٢٠٠ سيلزي.
- بهرو قطع الدياي بملح و فلفل اسود فقط.
- حطو المقلاة على الجولة على حرارة متوسطة . ذوبو قفشتين زبدة و بعدين حمرو قطع الدياي من الصوبين عدل. تقريبا دقيقتين الى ٣ دقايق على كل جانب.
- شيلو قطع الدياي من المقلى و ضيفو باقي الزبدة و المشروم و الثوم المهروس. حمسو عدل لمن المشروم يطلع كل مايه و ينشف عدل و يتحمر. لا تستعيلون لانه اذا المشروم ما تحمر عدل راح يصير مطاطي بعدين .
- ضيفو ماي الدياي و باجي البهارات ( الريحان و الزعتر و الاوريجانو).
- ردو قطع الدياي بالمقلى و دخلوها الفرن عشان الدياي يكمل السوا. تقريبا ٣٠-٤٠ دقيقة.
- طلعو المقلاة من الفرن ( ديرو بالكم راح تكون حارة مو تمسكون اليدة من غير بيز). شيلو الدياي مرة ثانية.
- ضيفو على خلطة المشروم الكريمة و جبنه البارمزان و الخردل. ( انا سويت الوصفة مرتين من غير خردل لانه ما كان عندي ، حطيت بداله عصير نص ليمونه فانتو كيفكم شنو بتسوون). ردو قطع الدياي بالصوص و قدموه على طول. قدموه مع عيش اسمر او عيش امريكي بيطلع عجييب. و بالعافية.
* ملاحظة: ديرو بالكم من كمية الملح بالوصفة هذي لانه البارمزان يعطي ملوحة و خلاصة الخضار هم فيها ملح فلا تكثرون ملح بالدياي و اذا ماي الدياي مالكم اوردي فيه ملح فلا تحطون ملح بالمره. انا للأسف تعلمت هالدرس من تجربة مالحة مرتين :(
الوصفة الأصلية اهني . Origninal recipe here.
https://superbsalt.com/best-himalayan-pink-salt/
ReplyDelete