اول شي بقوله إني مو خبيرة تربية و لا اخصائية و لا اي شي من هذيل. و لا اني أم مثالية و ما أغلط. بس هذيل جم نقطة و فكرة تعلمتها من تجربتي كأم و من محاضرات و ندوات و كتب عن التربية قريتها و فادتني مع عيالي. ثاني شي بقوله اني اكتشفت ( واكيد انتو اكتشفتوا هالشي بعد) انه التربية اصعب شي تسوينه بالدنيا. اصعب من الحمل و الولادة و الجامعة و الدوام. ( بس ما ادري اذا اصعب من البريسنتيشن و لا لأ D:) فاي نصيحة و او معلومة او طريقة تفيدني بهالمجال باخذها. فاذا عندكم افكار حلوه تضيفونها لا تبخلون علي فيها.
* ٣ نصائح تربوية عامة:
١- كوني الشخصية الي تبينهم يصيرونها
كلنا عندنا تصور معين عن عيالنا. نبيهم يكبرون و يحصلون و يصيرون و يكونون. بس صدقوني كثر ما تقولين و تفهمين و تعلمين مو نفس لمن اهمه يشوفونج الشخص المثالي الي تبينهم يكونونه. انا دايما اذكر روحي بهالشي كل ما تنبط جبدي من عيالي من عادة مو زينه فيهم او شي ما يسوونه عدل. اسأل روحي هل انا قاعد اسوي نفس الغلطة الي قاعد ازفهم عليها. اذا اي عيل لازم اعدل بروحي اول و مالي حق اهاوشهم على شي انا قاعد اسويه.
٢- دايما حطي روحج مكانهم.
تذكري بصغرج لمن كنتي بنفس عمرهم و تمر فيج نفس مشاكلهم شلون كنتي تحبين يتعاملون وياج. هذا مو معناته انج تخلينهم يغيبون مثلا عن المدرسة لانج لمن كنتي بهالعمر كنتي تحبين تغيبين عن المدرسة. انتي للحين الأم و لازم تسوين الشي الصح حق عيالج. بس القصد انج تفهمين مشاعرهم الحين الي قاعد يمرون فيها و تحاولين تتصرفين بأحسن طريقة انج تحتوين هذي المشاعر. مثلا اذا بنتج خايفة تروح المدرسة قعدي وياها كلميها عن تجربتج انتي بأول يوم مدرسة و طمنيها قوليلها انه بنهاية اليوم راح تيين تاخذينها و عطيها رقم تلفونج مثلا عشان تتطمن انه اي وقت تبيج تقدر تدق عليج و تحصلج.
تذكري بصغرج لمن كنتي بنفس عمرهم و تمر فيج نفس مشاكلهم شلون كنتي تحبين يتعاملون وياج. هذا مو معناته انج تخلينهم يغيبون مثلا عن المدرسة لانج لمن كنتي بهالعمر كنتي تحبين تغيبين عن المدرسة. انتي للحين الأم و لازم تسوين الشي الصح حق عيالج. بس القصد انج تفهمين مشاعرهم الحين الي قاعد يمرون فيها و تحاولين تتصرفين بأحسن طريقة انج تحتوين هذي المشاعر. مثلا اذا بنتج خايفة تروح المدرسة قعدي وياها كلميها عن تجربتج انتي بأول يوم مدرسة و طمنيها قوليلها انه بنهاية اليوم راح تيين تاخذينها و عطيها رقم تلفونج مثلا عشان تتطمن انه اي وقت تبيج تقدر تدق عليج و تحصلج.
٣- الدعاء
مثل ما كل شي بهالدنيا توفيق من الله. التربية بعد توفيق. و في الحديث انه دعاء الام بحق ولدها مستجاب. لا تغفلين عن هالنقطة. ادعيلهم دايما. و مو بس لقلقة لسان. قصدي كل كلمة و كل دعاء تدعيلهم اياه من قلبج و راح تشوفين العجايب.
٣ نصائح يومية:
١- دايما عطيهم ١٠ دقايق قبل لا تنقلينهم من حدث إلى آخر او من فعالية لأخرى.
هذي النصيحة سمعتها من ابلة بنتي يوم كنا بأمريكا. اليهال ما يعرفون الوقت و لا يعرفون شنو الخطة الي براسج. فلمن مره وحده تفاجئينهم بأن يلا بنروح او يلا بنسوي الشي الفلاني و اهمه مو متوقعين راح يأذونج و يعاندون او يتحلطمون. طبعا حل اغلب الأمهات الي اعرفهم بالكويت ..." ياكل تبن ، لازم يسمع الكلام ، طراق و يفهم و ما يعاند بعد". اوكي كيفج اذا بتحلين الموضوع بطراق بس فيه طريقة وايد احلى و احسن و اريح حقج و حق الياهل. انا هذي اسويها وياهم الصبح لمن بيقومون حق المدرسة اقولهم انه عندكم ١٠ دقايق بعدين راح ايي اقعدكم مره ثانيه. او قبل لا نطلع من زوارة او طلعة اعطيهم عشر دقايق و انبهم كل شوي انه باقي ٥ دقايق .. دقيقتين عشان يخلصون لعبهم و يكونون جاهزين حق الروحة. حق اليهال الي للحين ما يقدرون الوكت كلش تقدرون تقولوهم مثلا بس ٣ لعبات بالزحلاقية و بعدين نروح. او اي شي ثاني يكونون قاعدين يسوونه.
هذي النصيحة سمعتها من ابلة بنتي يوم كنا بأمريكا. اليهال ما يعرفون الوقت و لا يعرفون شنو الخطة الي براسج. فلمن مره وحده تفاجئينهم بأن يلا بنروح او يلا بنسوي الشي الفلاني و اهمه مو متوقعين راح يأذونج و يعاندون او يتحلطمون. طبعا حل اغلب الأمهات الي اعرفهم بالكويت ..." ياكل تبن ، لازم يسمع الكلام ، طراق و يفهم و ما يعاند بعد". اوكي كيفج اذا بتحلين الموضوع بطراق بس فيه طريقة وايد احلى و احسن و اريح حقج و حق الياهل. انا هذي اسويها وياهم الصبح لمن بيقومون حق المدرسة اقولهم انه عندكم ١٠ دقايق بعدين راح ايي اقعدكم مره ثانيه. او قبل لا نطلع من زوارة او طلعة اعطيهم عشر دقايق و انبهم كل شوي انه باقي ٥ دقايق .. دقيقتين عشان يخلصون لعبهم و يكونون جاهزين حق الروحة. حق اليهال الي للحين ما يقدرون الوكت كلش تقدرون تقولوهم مثلا بس ٣ لعبات بالزحلاقية و بعدين نروح. او اي شي ثاني يكونون قاعدين يسوونه.
٢- حق اليهال الي اقل من ٣ سنين.
ولدي عمره ٢ و نص تقريبا. و دايما عندنا هذي المشكلة بعد انه ما يبي يهد الشي او المكان الي اهوه فيه و يبجي لمن بنطلع. بس شفت انه لمن اقوله : يلا ماما قول حق الجمعية ( او عامل الجمعية) باي باي يتقبل الموضوع واايد احسن. حتى لمن نكون بالحمام تكرمون و ما يبي يهد الماي اقوله : يلا الماي يبي يروح ينام قوله باي مع السلامة و بسرعة يأشرله باي و يطلع مستانس.
ولدي عمره ٢ و نص تقريبا. و دايما عندنا هذي المشكلة بعد انه ما يبي يهد الشي او المكان الي اهوه فيه و يبجي لمن بنطلع. بس شفت انه لمن اقوله : يلا ماما قول حق الجمعية ( او عامل الجمعية) باي باي يتقبل الموضوع واايد احسن. حتى لمن نكون بالحمام تكرمون و ما يبي يهد الماي اقوله : يلا الماي يبي يروح ينام قوله باي مع السلامة و بسرعة يأشرله باي و يطلع مستانس.
٣- حق اليهال سن المراهقة و قبلها بشوي (١٠-١٦) : اهتمي بالأشياء الي اهمه مهتمين فيها.
حتى لو ما تعجبج او مو موافقة عليها ١٠٠ بالميه. بهالعمر محتاجة تكسبينهم اكثر من انج توجهينهم. و طبعا بس تكسبينهم تقدرين توجينهم. اذا بنتج او ولدج يعجبه مسلسل معين او هوايه معينه طالعي المسلسل وياه حتى لو غثيييث. تذكري انج قاعد تسوين هالشي مو لانج حابته بس لأنج حابه ولدج. بنتي عمرها ١١ و اهيه تحب تقرا قصص وايد. انا افضل اني اقرا قصص الكبار عن قصص اليهال بس هم اقراهم وياها عشان يصير عندنا شي مشترك و نقدر نسولف عنه.
انشاء الله تكون هالنصايح مفيدة و تستفيدون منها بحياتكم و مع عيالكم. و اذا تبون اقدر اتكلم عن كتب التربية الي قاريتها و شنو افضل شي استفدت منه.
حتى لو ما تعجبج او مو موافقة عليها ١٠٠ بالميه. بهالعمر محتاجة تكسبينهم اكثر من انج توجهينهم. و طبعا بس تكسبينهم تقدرين توجينهم. اذا بنتج او ولدج يعجبه مسلسل معين او هوايه معينه طالعي المسلسل وياه حتى لو غثيييث. تذكري انج قاعد تسوين هالشي مو لانج حابته بس لأنج حابه ولدج. بنتي عمرها ١١ و اهيه تحب تقرا قصص وايد. انا افضل اني اقرا قصص الكبار عن قصص اليهال بس هم اقراهم وياها عشان يصير عندنا شي مشترك و نقدر نسولف عنه.
انشاء الله تكون هالنصايح مفيدة و تستفيدون منها بحياتكم و مع عيالكم. و اذا تبون اقدر اتكلم عن كتب التربية الي قاريتها و شنو افضل شي استفدت منه.
No comments:
Post a Comment