September Favorites مفضلة شهر سبتمر

منو يحب يطالع هالفيدوات باليوتوب؟ دايما أستانس لمن أطالع فيديوهات المفضلات و أحب أشوف الناس شنو يختارون. الحين شوفو أنا شنو اخترت:

Favorite videos are my, well, my favorite  thing to watch on YouTube. I just get so excited to see what people pick and choose. So I created my own:

٣ وصفات : ٣ صوصات للسلطة

السلام عليكم...عيدكم مبارك و تقبل الله أعمالكم. اليوم يايبتلكم ثلاث وصفات حق صوص السلطة ( الشي الي دايما أكره أسويه آخر شي لمن اكون قاعد اطبخ الغدا). ثلاثتهم وايد سهلين و لذيذين. تقدرون تسوونهم ثلاثتهم و تخلونهم بالثلاجة و تطلعونهم أي وكت بتسوون سلطة. كلهم فيهم عسل او شكر اسمر لأني أحب الطعم الحالي شوي بالسلطة. بس تقدرون تسوونهم بدون الشكر أو العسل.

Multi Purpose Sweet and Spicy Sauce صوص حار و حالي متعدد الإستخدامات

اول مره جربت هالصوص كان بوصفة سالمون من لوبي فلي Bobby Flay و من بعدها اعتمدت هالطريقة كل ما بغيت اسوي اكله صينية او حمسة خضار و ابي يكون فيه هذا الطعم الحار و الحالي. الطريقة وايد سهلة و مثل ما قلت تنفع حق وايد أشياء. تقدرون تحطونها فوق السلمون أو مع حمسة لحم و خضار او بس مع خضار و سباجيتي. جربوها وايد لذييذة.

صوص حار حالي (ترياكي)


المقادير:

٣ م ك شكر أسمر
١ م ك عسل
٢ م ك زبدة
١/٤ كوب خردل ديجون
٢ م ك صوي صوص
٢ م ك زيت زيتون
١ م ك زنجبيل طازج مبشور

الطريقة:

- ذوبو الشكر مع العسل و الزبدة على نار هادية لمن كل شي يذوب و يمتزج.

- شيلو الجدر من النار و ضيفو عالخليط الخردل مع الصوي صوص و الزيت زيتون و الزنجبيل. خلطو كل شي عدل و خلاص!


----------------------------------------------------------------------------------------------------------------------------

* ملاحظة: البوست منقول من أكاونتي بالانستغرام kitchenista86 بس لاني أبي اصكر الأكاونت  راح انقل كل المواضيع و الوصفات الي فيه اهني بالمدونة

Top ten resource links for parents in Kuwait أهم عشر مصادر للأمهات في الكويت

هذي مجموعة من الروابط حق أهم المواقع و حسابات الإنستجرام الي تُعنى بالأم و الطفل و الأسرة بالكويت. اللسته هذي أكيد مو كاملة بس هذول الي أنا أتابعهم و أشوف أنهم مفيدين و يغطون أغلب الفعاليات و الأشياء الي تصير بالكوبت. الي عنده بعد اقتراحات حق مواقع و حسابات انستجرام خل يكتبها بالتعليقات عشان الكل يستفيد. أغلب الروابط الي تحت يكتبون بالعربي و الإنجليزي بس اذا في شي منهم بس بالإنجليزي راح أكتب تحته.

This is a collection of links and resources that I think is essential to every mom living in Kuwait. They cover most of the events, topics and activities that are of concern to mom, kids and family. This is by no means a complete list but rather what I personally follow an benefit of. If you have more links to add please mention it in the comments below. Most of these accounts and websites are bilingual but I will mention if any of them is exclusively Arabic. 

1- Little Moms Group

 http://instagram.com/littlemomsgroup/

مجموعة أمهات صغيرات. مجموعة تطوعية يلتقون بين فترة و فترة و ينظمون فعاليات و ندوات تختص بالأم و الطفل أغلبها مجاني و مفتوحة للجميع.

A volunteer group of women who meet regularly and organize various activities and events, most of them are free and open to the public. 

2- Kuwait Moms Guide

http://www.kuwaitmomsguide.com

 http://instagram.com/kuwaitmomsguide/?hl=en

كل ما تحتاجون تعرفونه عن الفعاليات والندوات و وين تودون عيالكم بالكويت . انجليزي بس.

The most comprehensive site and Instagram feed to all events, things to do, places to go in Kuwait. 

3-  What's Kickin

http://whatskickinkw.com

http://instagram.com/whats_kickin/

كل الأشياء الي تصير بالكويت حق الطفل و الأسرة تسمعون عنها اهني.

You can find out all the latest mommy and kids events here. 

وصفة سلطة العيش الأسود مع المانجا و الأفوكادو Black rice and mango salad

العيش الأسود نوع من أنواع العيش المتين ( المصري) قصير الحبة . يسمونه بعد العيش البنفسجي ( لانه لمن يطبخ يتحول لونه بنفسجي) و هم يسمونه العيش المحرم لأنه بالصين قبل بس الإمبراطور و العائلة الحاكمة كانو يقدرون ياكلونه و يزرعونه و الي يزرعه أو ياكله غيرهم يعاقبونه. طعمه لذيذ يشبه العيش الأسمر بس شوي على حلات أكثر و متروس فوايد و فيتامينات و في مضادات أكسدة أكثر من البلوبريز. طبعا ماراح تحصلونه بالجمعيات العادية بس أكيد تحصلونه بمركز سلطان و لولو هايبر و هذيل. أنا لقيته بسيفكو بالصدفة و جربت آكله بأكثر من طريقة بس أحلى شي طلع بهالوصفة.

شوربة المنستروني ( نفس أوليف غاردن olive garden )

إلي رايح أوليف غاردن و مجرب شوربتهم المنستروني يعرف شكثر اهيه لذيذة معنى شكلها و الأشياء الي فيها ما يوحون. هذي طريقتي لمن أشتهي الشوربة و أبي أسويها بالبيت. برأيي المتواضع تطلع أحلى من المطعم بعد 

شوربة المنستروني الإيطالية:

المقادير:

٣ م ك زيت زيتون

بصلة صغيرة مفرومة

١ كوسا متوسطة مقطعة حلقات

١/٢ كوب فاصوليا خضرا مثلجة

١ م ك معجون طماط

٤ فصوص ثوم مهروس

٤ أكواب ماي مذاب فيهم ققشتين كبار مرقة خضار ( انا استخدم ماركة أرض الطبيعة)

علبة فاصوليا حمرا مطبوخة

حوالي كوب سبانخ مثلجة

علبة طماطم مقطعة ( تلاقونها يم معجون الطماط بالجمعية) او طماطة وحدة كبيرة مقطعة مكعبات كبار

١/٢ كوب جزر مبشور

قفشتين كبار بقدونس مفروم

١ ١/٢ م ش اوريجانو

١/٢ م ش فلفل اسود

١ ١/٢ م ش ملح

١/٤ م ش زعتر ناشف

١/٢ كوب معكرونية قواقع

الطريقة:

• حمسو الزيت زيتون مع البصل لمن يذبل و يصير شفاف. ضيفو السبانخ و حمسو لمن تذوب و تذبل.    ضيفو الفاصوليا الخضرا، الكوسا ، الجزر معجون الطماط ،  الطماط المقطع ، الثوم و البقدونس. 

• ضيفو الماي مع مرق الخضار، الفاصوليا الحمرا، البهارات ( الملح و الفلفل الاوريجانو و الزعتر)

• خلو الماي يغلي بعدين صكرو راس الجدر، وطو عالنار  و خلو الخضار تطبخ لمدة ١٥-٢٠ دقيقة.  ضيفو المعكرونية ، اذا حسيتو انه الشوربة وايد خاثرة و مافي ماي كفاية عشان المعكرونية تطبخ زيدولها ماي ( كوب - كوبين) . خلو الشوربة تغلي مرة ثانيه و بعدين قصرو عالحرارة و صكرو الراس عشان تنطبخ المعكرونية. هم ياخذ ١٠-١٥ دقيقة. و بسس.

----------------------------------------------------------------------------------------------------------------------------

* ملاحظة: البوست منقول من أكاونتي بالانستغرام kitchenista86 بس لاني أبي اصكر الأكاونت  راح انقل كل المواضيع و الوصفات الي فيه اهني بالمدونة

Molten Cake Recipe كيكة المولتن

كيكة المولتن من ألذ الكيكات الي انشهرت بالفترة الأخيرة. بس للأسف الأغلب بالكويت ما يسوونها بطريقتها الأصلية. فكرة المولتن أنه الخلطة تكون أغلبها ككاو و بيض و شووية طحين عشان بس الأطراف تمسك لمن تدخلونها الفرن و بس تمسك الأطراف تطلعونها بحيث أنه الي داخل يظل سائل. أغلب الي شايفتهم يسوونها انه يسوون كيكة ككاو عادية و بعدين يحطون داخلها ككاو و يخلونه يذوب...هم حلو بس الطريقة الأصلية وايد أسهل و أحلى و تحتاج مقادير أقل.

طريقة المولتن (الأصلية)

المقادير حق أربع كيكات صغار

المقادير:

- ١٧٠ جرام ككاو ( العادي أو الدارك على حسب انتو شتفضلون ، او تقدرون تخلطون من النوعين)

- قالب زبدة 

- بيضتين

- صفار بيضتين

- رشة ملح

- ربع كوب شكر

- ٢ ملعقة كبيرة طحين

الطريقة:

- سخنو الفرن على حرارة ٢٠٠ س (٤٠٠ ف)

- بحمام مائي ذوبو الككاو و بس يذوب ضيفوله الزبدة و خلطو عدل بعدين شيلو خليط الزبدة و الككاو من النار

- بطاسة بروح خلطو بيضتين مع صفار بيضتين و الشكر و الملح و الطحين. خلطو عدل و لمن يمتزجون كلهم عدل ضيفولهم خليط الككاو.

- دهنو أربع طوس فرن بزبدة و رشوهم بشوية طحين. و زعو الخلطة عالطوس بالتساوي و رصوهم بصينية فرن. 

- دخلو الصينية الفرن عالشبك الي بالنص. خلوه يطبخ بالفرن ١٢-١٤ دقيقة او لمن الأطراف تبدا تتحمر و تصك. كل ما تخلونه أكثر الكيكة من داخل تصك أكثر.

- طلعو الكيكات من الفرن و خلوها تبرد شوي. راح تشوفون الأطراف تكش شوي و توخر عن حواف الطاسة. مررو سجينة عالحواف بس عشان تتأكدون أنه الكيكة مو لازقة. قلبو كل كيكة بصحن و قدموها مع برد.

----------------------------------------------------------------------------------------------------------------------------

* ملاحظة: البوست منقول من أكاونتي بالانستغرام kitchenista86 بس لاني أبي اصكر الأكاونت  راح انقل كل المواضيع و الوصفات الي فيه اهني بالمدونة

6 Kitchen Tools I can't Live Without

 ٦ أشياء (أدوات) ما استغنى عنهم بالمطبخ

Beside the spoon, fork and knife here are 6 things I can’t imagine my kitchen without .

1- 1-My big wooden chop board. لوحة التقطيع الخشب

It makes chopping and preparing for dinner so much easier.  كبيرة و اقدر اقطع كل خضروات الطباخ عليها

2-  Oven Thermometer مقياس حرارة للفرن

I rely on this so much when baking. It gives me an accurate reading every time.  وايد مهم انكم تضبطون حرارة الفرن خصوصا حق البيكنغ ( الكيك و الكوكيز و المعجنات)

Parenting Confessions

It was one of those hectic nights a few days ago. I am trying something new in the kitchen, my youngest (18 months) is whining over something he wants  , my oldest daughter (10 yrs) is trying to make something for herself in the kitchen too, and the middle daughter is tuning in youtube and the volume is really high. I can't stand all this noise and the "everything is going wrong" situation and I lose it...just because I can. I screamed, I yelled , I shouted,  I took all the electronic devices , I lifted my youngest and put him in another room and then I began to blame my oldest for things that she probably can't take responsibility for.. just to make myself feel better (  very ashamed of that). What stroke me that night is that even when I am at my angriest and most frustrated my daughter still felt safe and secure to reply to my accusations and clear them off herself. She didn't yell back or cry . She didn't stay silent and just take everything in. She stayed calm, talked to me in a very respectful way and argued back. And actually at that moment- even though I just lost my temper and did wrong- I actually felt proud of myself and of my daughter. Because if she can still talk to me in this kind of situation ,when I am most frustrated, then I must me doing something right. No one is perfect, but we can all concentrate on what we are doing right and continue improving in the areas that we fail behind.